Apple: iPhone 17 ಸರಣಿ ಬಿಡುಗಡೆ; A19 ಪ್ರೊ ಚಿಪ್, 48 MP ಕ್ಯಾಮೆರಾ, ಹೆಚ್ಚು ಸಾಮರ್ಥ್ಯದ ಬ್ಯಾಟರಿ ಅನಾವರಣ

AI-ಚಾಲಿತ ಸಿರಿ ಅಪ್‌ಡೇಟ್ ಸೇರಿದಂತೆ ಸುಧಾರಿತ ಎಐ ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತದೆ ಎಂದು ಆಪಲ್ ಹೇಳುತ್ತದೆ.

ಆಪಲ್ ತನ್ನ ಇತ್ತೀಚಿನ ಐಫೋನ್ ಶ್ರೇಣಿಯನ್ನು ಬಿಡುಗಡೆಗೊಳಿಸಿದೆ. ಐಫೋನ್ 17, ಐಫೋನ್ 17 ಪ್ರೊ, ಐಫೋನ್ 17 ಪ್ರೊ ಮ್ಯಾಕ್ಸ್ ಮತ್ತು ಐಫೋನ್ ಏರ್ ನ್ನು ಪರಿಚಯಿಸಿದೆ. ಇದುವರೆಗಿನ ಅತ್ಯಂತ ಶಕ್ತಿಶಾಲಿ ಐಫೋನ್‌ಗಳೆಂದು ಬಿಂಬಿಸಲಾದ ಹೊಸ ಪ್ರೊ ಮಾದರಿಗಳು ಮರುವಿನ್ಯಾಸಗೊಳಿಸಲಾದ ಕ್ಯಾಮೆರಾ ವ್ಯವಸ್ಥೆ, ವೇಗವಾದ A19 ಪ್ರೊ ಚಿಪ್ ಮತ್ತು ಆಪಲ್‌ನ ಅತಿ ಉದ್ದದ ಬ್ಯಾಟರಿ ಬಾಳಿಕೆಯನ್ನು ಹೊಂದಿದೆ. ಏರ್ ಅಲ್ಟ್ರಾ-ತೆಳುವಾದ ವಿನ್ಯಾಸ ಮತ್ತು ಪೋರ್ಟಬಲಿಟಿಯನ್ನು ಹೊಂದಿದೆ.

ಕಾರ್ಯಕ್ಷಮತೆ ಮತ್ತು ಚಿಪ್ ಅಪ್‌ಗ್ರೇಡ್‌ಗಳು

ಐಫೋನ್ 17 ಪ್ರೊ ಮತ್ತು 17 ಪ್ರೊ ಮ್ಯಾಕ್ಸ್ ಆಪಲ್‌ನ ಅತ್ಯಾಧುನಿಕ 3-ನ್ಯಾನೊಮೀಟರ್ A19 ಪ್ರೊ ಚಿಪ್‌ನಿಂದ ಚಾಲಿತವಾಗಿದ್ದು, ಐಫೋನ್ 17 ಮತ್ತು ಐಫೋನ್ ಏರ್‌ನಲ್ಲಿ 8GB ಗೆ ಹೋಲಿಸಿದರೆ 12GB RAM ನೊಂದಿಗೆ ಜೋಡಿಸಲಾಗಿದೆ. ಈ ಸಂಯೋಜನೆಯು ವರ್ಷಗಳವರೆಗೆ ತಡೆರಹಿತ ಕಾರ್ಯಕ್ಷಮತೆಯನ್ನು ಹೊಂದಿಜೆ.

AI-ಚಾಲಿತ ಸಿರಿ ಅಪ್‌ಡೇಟ್ ಸೇರಿದಂತೆ ಸುಧಾರಿತ ಎಐ ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತದೆ ಎಂದು ಆಪಲ್ ಹೇಳುತ್ತದೆ. ಐಫೋನ್ 17 ಪ್ರೊ ಪ್ರೊಸೆಸರ್‌ನ ಸ್ವಲ್ಪ ಕಡಿಮೆ-ಶಕ್ತಿಯ ಆವೃತ್ತಿಯಾದ ಎ19 ಚಿಪ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ, ಆದರೆ ಐಫೋನ್ 16 ಗಿಂತ ಗಮನಾರ್ಹವಾಗಿ ವೇಗವಾಗಿದೆ, ಶೇಕಡಾ 40ರಷ್ಟು ಸಿಪಿಯು ಕಾರ್ಯಕ್ಷಮತೆ ವರ್ಧಕ ಮತ್ತು ಶಕ್ತಿ-ಸಮರ್ಥ ಎಐ ಸಂಸ್ಕರಣೆಗಾಗಿ 16-ಕೋರ್ ನ್ಯೂರಲ್ ಎಂಜಿನ್ ಹೊಂದಿದೆ.

ಆಪಲ್ ಆವಿ ಚೇಂಬರ್ ಕೂಲಿಂಗ್‌ನೊಂದಿಗೆ ಹೆಚ್ಚು ತಾಪ ನಿರ್ವಹಣೆಯನ್ನು ವರ್ಧಿಸಿದೆ, ತಾಪಮಾನವನ್ನು ಸ್ಥಿರವಾಗಿರಿಸಿಕೊಂಡು ಫೋನ್‌ಗಳು ಬೇಡಿಕೆಯ ಕಾರ್ಯಗಳನ್ನು ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. ಬ್ಯಾಟರಿ ಹಿಂದಿನ ಮಾದರಿಗಳಿಗಿಂತ ದೊಡ್ಡದಾಗಿದೆ, ಪ್ರದೇಶ ಮತ್ತು ಸಿಮ್ ಕಾನ್ಫಿಗರೇಶನ್ ನ್ನು ಅವಲಂಬಿಸಿ ಸಾಮರ್ಥ್ಯವು ಸ್ವಲ್ಪ ಬದಲಾಗುತ್ತದೆ. ಭೌತಿಕ ಸಿಮ್ ಹೊಂದಿರುವ ಮಾದರಿಗಳಿಗಿಂತ ಇಸಿಮ್ ಮಾದರಿಗಳು ಹೆಚ್ಚಳ ಮಾಡುತ್ತದೆ.